ចេញផ្សាយថ្ងៃទី25 ខែមិនា ឆ្នាំ2025
ខេត្តកំពង់ស្ពឺ៖ បងប្អូនប្រជាពលរដ្ឋជាច្រើនគ្រួសារ ដែលរស់ក្នុងក្នុងភូមិពោកោង បានលាន់មាត់គ្រប់គ្នា ដោយពូកគាត់បានលើកឡើងថា៖ ពិបាកទ្រាំ និងរស់នៅ ពិសេសខ្យល់ដង្ហើមតែម្ដង ដែលជាងនេះទៀត នៅពេលទទួលទានអាហារម្តងម្តង គឺក្លិនស្អុយខ្លាំងណាស់ ដែលជាចំហាយចេញមកពីកសិដ្ឋានចិញ្ចឹមសត្វជ្រូកនេះឯង ។
ប្រជាពលរដ្ឋបានបន្តទៀតថា៖ ក្លិនលាមកសត្វជ្រូកនេះ ត្រូវបានម្ចាស់ការដ្ឋាន ចាក់បង្ហៀរចេញមកខាងក្រៅតាមប្រឡាយ នឹងចាក់ហៀរហូរតាមស្រែ ដែលជាកត្តាធ្វើឱ្យប៉ះពាល់ដល់ការរស់នៅ ប្រចាំថ្ងៃរបស់ពួកគាត់យ៉ាងខ្លាំង។
សូមបញ្ជាក់ថា៖ កសិដ្ឋានចិញ្ចឹមសត្វជ្រូកដែលបង្កឱ្យប៉ះពាល់ដល់សុខភាព និងការរស់នៅរបស់បងប្អូនប្រជាពលរដ្ឋខាងលើនេះស្ថិតក្នុងភូមិពោកោង សង្កាត់ព្រះស្រែ ក្រុងឧត្តុងម៉ែជ័យ ខេត្តកំពង់ស្ពឺ។
ពាក់ព័ន្ធករណីខាងលើនេះ អង្គសារព័ត៌មាន CRT News យើងបានធ្វើការទំនាក់ទំនងជាមួយ លោកពូ ចៅសង្កាត់ព្រះស្រែ ដោយលោកពូបានបព្ជាក់ថា៖ កសិដ្ឋានចិញ្ចឹមសត្វជ្រូកក្នុងភូមិពោកោងនេះ មានចំនួន2ទៅ3ទីតាំង ហើយអាជ្ញាធរមូលដ្ឋានចុះទៅត្រួតពិនិត្យ ពីកន្លះខែទៅមួយខែម្តង ។ លោកពូចៅសង្កាត់ព្រះស្រែ បានបន្តទៀតថា ៖ កសិដ្ឋានចិញ្ចឹមសត្វជ្រូកនេះ ដំណើរការ 4ទៅ 5ឆ្នាំ កន្លងមកហើយ ហើយពុំដែលមានខាងខេត្តចុះមកនោះទេ គឺមានតែពេទ្យសត្វចុះមកតែប៉ុណ្ណោះ តែមិនដឹងយ៉ាងម៉េចបានជាក្និនស្អុយនៅតែមានដដែល។
ដោយឡែក លោក ព្រាប កុយវឌ្ឍន: ចៅហ្វាយក្រុងក្រុងឧត្តុងម៉ែជ័យ CRT News យើងមិនអាចសុំកិច្ចសម្ភាសន៏បានទេ នាថ្ងៃទី25 ខែមិនា ឆ្នាំ2025នេះដោយទូរសព្ទរបស់លោកមិនត្រូវបានតេចូលនោះទេ។
ជាទីបព្ចាប់នេះបងប្អូនប្រជាពលរដ្ឋក្នុងមូលដ្ឋាន ក៏សូមសំណូមពរ ឯកឧត្តម បណ្ឌិត ជាម ច័ន្ទសោភ័ណ
អភិបាលខេត្តកំពង់ស្ពឺ សូមមេត្តាចាត់មន្ត្រីជំនាញពាក់ព័ន្ធចុះត្រួតពិនិត្យនិងមានចំណាត់ការចំពោះម្ចាស់កសិដ្ឋានចិញ្ចឹមសត្វជ្រូកនេះផងទាន! ដោយបងប្អូនប្រជាពលរដ្ឋមានជំនឿជឿជាក់ថា ៖ គឺតាំងពីឯកឧត្តម បណ្ឌិត ជាម ច័ន្ទសោភ័ណ ឡើងមកកាន់តំណែងជាអភិបាលខេត្តកំពង់ស្ពឺថ្មីៗ គឺលោកពិតជាបានគិតគូរសុខទុក្ខបងប្អូនខ្លាំងណាស់។
អង្គភាពសារព័ត៌មាន CRT News យើងនឹងរងចាំធ្វើការបកស្រាយបំភ្លឺពីគ្រប់គាគីពាក់ព័ន្ធនៅរៀងរាល់ម៉ោងតាមច្បាប់ស្តីពីរបបសារពត៌មាន ដោយមិនមានចេតនាញុះញង់ដាក់សម្ភាធដាក់ឲ្យបុគ្គលឬអង្គភាពណានោះឡើយ៕
