រាជធានីភ្នំពេញ ÷ នាព្រឹកថ្ងៃអាទិត្យ៧ រោច ខែមិគសិរ ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី២២ ខែធ្នូ ឆ្នាំ២០២៤ លោក ម៉ានូ សិល្បៈ និង លោកស្រី សេរី ពេជ្រចិន្តា រួមទាំងមិត្តភក្តិ និងក្រុមការងាររបស់លោក និងលោកស្រី បានពាំនាំនូវអំណោយសប្បុរសធម៌សម្រាប់ចែកជូនដល់ក្មួយៗ កុមារកំព្រា នៃអង្គការបេសកកម្ម សុខមាលភាព សង្គមកម្ពុជា ( ប.ស.ក ) Cambodia Social Welfare Mission ( C.S.W ) ។
អំណោយដែល លោក ម៉ានូ សិល្បៈ និងភរិយាគឺ លោកស្រី សេរី ពេជ្រចិន្តា រួមទាំងមិត្តភក្តិទាំងអស់ បានពាំនាំមកដល់ អង្គការ បេសកកម្ម សុខមាលភាព សង្គមកម្ពុជា ហៅកាត់ថា ( ប.ស.ក ) នេះ ជាគ្រឿង ឪបភាគ បរិភោគ និងសម្ភារៈសិក្សាផ្សេងទៀត រួមមាន ÷ អង្ករ,មី, ប្រេងឆា, ត្រីខ,ទឹកដោះគោ
នំកញ្ចប់ សម្រាប់កូនក្មេង ព្រមទាំង
សៀវភៅ /ប៊ុិច ចំនួន 50 ឈុត និងថវិកា មួយចំនួនទៀត ផងដែរ ដែលសម្រាប់ជាការជួយសម្រួលតម្រូវការ ក្មេងៗកំព្រា ចំនួន 67នាក់ ក៏ដូចជាការខ្វះខាតនៅក្នុងបន្ទុករបស់ អង្គការ បេសកកម្ម សុខមាលភាព សង្គមកម្ពុជា ហៅកាត់ថា ( ប.ស.ក )។
សូមបញ្ជាក់ថា÷ ទីតាំងអង្គការ ខាងលើ ស្ថិតនៅអគាលេខ១០A 271 ផ្លូវ 271 ភូមិ11 សង្កាត់ទឹកល្អក់3 ខណ្ឌទួលគោក រាជធានីភ្នំពេញ។
ថ្លែងក្នុងពិធីនោះដែរ លោក ម៉ានូ សិល្បៈ ក៏សូមផ្ញើរសេចក្តីស្រឡាញ់ចំពោះកុមារៗកំព្រាទាំងអស់ ទាំងរូបលោក រំលេចនូវពាក្យចាក់ដោតថា លោកយល់អារម្មណ៍មួយនេះព្រោះលោកក៏មានកូនដែរ ។ លោក ម៉ានូ បន្តទៀតថា លោកអាចបង្រៀនផ្នែកប្រដាល់២ដង ក្នុង១ខែ ចំពោះក្មេងៗ ដែលជាការលេីកតម្លៃគុណខ្មែរ ពីព្រះរាជាណាចក្រកម្ពុជា
បង្ហាញដល់សាកលលោកទាំងមូល ។
ពិធីនេះមានតំណាង អង្គការបេសកកម្ម សុខមាលភាព សង្គមកម្ពុជា ( ប.ស.ក ) ដែលមាន កញ្ញា ដេត គន្ធា ជាប្រធានរដ្ឋបាល និងហិរញ្ញវត្ថុ ទន្ទឹមនឹងនោះដែរ
កញ្ញា ដេត គន្ធា ដែលតំណាងអង្គការទាំងមូល ក៏សូមថ្លែងអំណរអរគុណចំពោះ លោក ម៉ានូ សិល្បៈ និង លោកស្រី សេរី ពេជ្រចិន្តា រួមទាំងមិត្តភក្តិ និងក្រុមក្រុមការងាររបស់លោកទាំងអស់ ដែលបាន ពាំនាំនូវអំណោយជាថវិការក្តី រួមនឹង គ្រឿង ឪបភាគ បរិភោគ សំភារៈសិក្សា មួយចំនួនទៀតផងដែរ ជាអនេកកប្បការ និងសូមស្នេីសុំបណ្តាសប្បុរសជននានា មេត្តាជួយផ្តល់ជាស្បៀងផ្សេងៗក្តីសម្រាប់ជាតម្រូវការ និងសម្រួលនូវភាពចាំបាច់សម្រាប់ក្មេងៗ កំព្រា នៅក្នុងបន្ទុករបស់អង្គការបេសកកម្ម សុខមាលភាព សង្គមកម្ពុជា ( ប.ស.ក ) នេះដែរ៕
