រាជធានីភ្នំពេញ÷ លោក លី សាម៉េត ហៅ(គ្រូមា),លោក ដួង តារា, លោក ឡាច សំរោង និងលោក កន សុខកាយ ត្រូវបានតំណាងអយ្យការអមសាលាដំបូងរាជធានីភ្នំពេញ សម្រេចចោទប្រកាន់ពីបទ «ប៉ុនប៉ងក្នុងបទសូកប៉ាន់»។
នេះបើតាមលោក ប្លង់ សុផល អ្នកនាំពាក្យអយ្យការអមសាលាដំបូងរាជធានីភ្នំពេញ ថ្លែងប្រាប់បណ្ដាញសារព័ត៌មាន នៅព្រឹកថ្ងៃទី១៣ ខែវិច្ឆិកា ឆ្នាំ២០២៤នេះ។
លោក ប្លង់ សុផល បានបព្ជាក់
ថា ÷ ការសម្រេចចោទប្រកាន់បុគ្គលទាំង៤នាក់នេះ ក្រោយតំណាងអយ្យការបញ្ចប់ការសាកសួរ និងផ្អែកតាមភស្ដុតាង ដែលបានប្រព្រឹត្តនៅរាជធានីភ្នំពេញ កាលពីអំឡុងឆ្នាំ២០២២ តាមបញ្ញត្តិមាត្រា ២៧ មាត្រា៦០៥ នៃក្រមព្រហ្មទណ្ឌ និងមាត្រា៣២ នៃច្បាប់ស្តីពីការប្រឆាំងអំពើពុករលួយ។
សូមរំលឹកថា÷ លោក លី សាម៉េត ហៅ(គ្រូមា) និងលោក ដួង តារា ត្រូវបានចៅក្រមស៉ើបសួរ នៃសាលាដំបូងរាជធានីភ្នំពេញ សម្រេចឃុំខ្លួនកាលពីពេលកន្លងទៅ ខណៈលោក កន សុខកាយ អតីតអភិបាលស្រុកល្វាឯម ត្រូវបានអង្គភាពប្រឆាំងអំពើពុករលួយ ចាប់ខ្លួននៅថ្ងៃទី១២ ខែវិច្ឆិកា ឆ្នាំ២០២៤។ ដោយឡែក លោកឧកញ៉ា ឡាច សំរោង កំពុងតែរត់គេចខ្លួនពុំទាន់ដឹងថាលាក់ខ្លួនពួនអាត្មានៅទីណាទេ?៕
