រាជធានីភ្នំពេញ៖ នាព្រឹកថ្ងៃទី១៣ ខែវិច្ឆិកា ឆ្នាំ២០២៤នេះ លោកបណ្ឌិត ហាន បូរិន ប្រធានសាខាសមាគម «សិស្ស និស្សិត បញ្ញវន្តក្មេងវត្ត» សាខាខណ្ឌព្រែកព្នៅ និង លោកអនុប្រធាន រួមទាំងសមាជិក-សមាជិកា បានអញ្ជើញជួបសំណេះសំណាល ជាមួយគណៈកម្មការដឹកនាំទូក និងក្រុមកីឡាករចំណុះទូក(ង) ដែលមានឈ្មោះ «មហាបវរធិបតីបារមីប្រសាទតេជ:»។
ដែលពិធីប្រគល់និងប្រគេន ជាអំណោយក៏ដូចជាបព្ចា័យនេះ ស្ថិតនៅ វត្តប្រាសាទ ក្នុងសង្កាត់ពញាពន់ ខណ្ឌព្រែកព្នៅ រាជធានីភ្នំពេញ។
អំណោយដែលលោក បណ្ឌិត ហាន បូរិន ប្រធានសាខាសមាគម «សិស្ស និស្សិត បញ្ញវន្តក្មេងវត្ត» សាខាខណ្ឌព្រែកព្នៅ និង លោកអនុប្រធាន រួមទាំងសមាជិក-សមាជិកា បានចូលរួមឧបត្ថម្ភ ជាគ្រឿងឧបភោគបរិភោគនេះរួមមាន ÷
១- ទឹកសុទ្ឋ ចំនួន20 កេស ដែលក្នុង១កេស ស្មើ10,000 រៀល ,20កេស ស្មើ 200,000 រៀល។
២- អង្ករ 2បេ/100 គីឡូក្រាម , ដែល 1ប៉េ ស្មើ 160,000 រៀល , 2ប៉េ គឺស្មើ
320,000 រៀល។
៣- ថវិការ 180, 000រៀល
សរុបថវិកា = 700,000 រៀល
ឆ្លៀតក្នុងឱកាសដ៏វិសេសវិសាល នៃព្រះរាជពិធីបុណ្យអុំទូក បណ្តែតប្រទីប និងសំពះព្រះខែ អកអំបុក ឆ្នាំ២០២៤ ដែលនឹងប្រព្រឹត្តទៅរយៈពេល៣ ថ្ងៃ គឺថ្ងៃទី១៤-១៥-១៦ ខែវិច្ឆិកា លោកបណ្ឌិត ហាន បូរិន ក៏សូមថ្លែងអំណរគុណយ៉ាងជ្រាលជ្រៅជូនចំពោះ សម្តេចតេជោ ហ៊ុន សែន ប្រធានព្រឹទ្ធសភា ,សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា និងយុវជនបន្តវេន សម្តេចបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា និង លោក ជំទាវ ពេជ្រ ច័ន្ទមុនី្ន ហ៊ុនម៉ាណែត ដែលបានដឹកនាំប្រទេសមានការអភិវឌ្ឍន៍និងរីកចំរេីនរហូតដល់ប្រទេសជាតិមានសុខសន្តិភាពរហូតដល់បច្ចុប្បន្ននេះ !ឆ្លៀតឱកាសនេះផងដែរ លោកបណ្ឌិតក៏សូមថ្លែងអំណរអរគុណចំពោះសម្តេចទាំងទ្វេផងដែរ ដែលបានជួយជ្រោមជ្រែង ក្នុងការជួយឧបត្ថម្ភនានាជាសម្ភារៈ ថវិការ និងជាគ្រឿងឧបភោគបរិភោគជាច្រើនទៀត ដើម្បីជួយផ្គត់ផ្គង់ដល់គណៈកម្មការទូក និងក្រុមកីឡាករទូក(ង) ទូទាំងព្រះរាជាណាចក្រកម្ពុជា។
លោកបណ្ឌិត ហាន បូរិន ក៏បានរំលឹកឲ្យក្រុមកីឡាករ ត្រូវចេះថែរក្សាសុខភាព រួមទាំងការហូបចុក និងសម្រាកឲ្យបានគ្រប់គ្រាន់ ដើម្បីត្រៀមកម្លាំងចូលរួមប្រកួត នៅថ្ងៃបន្តបន្ទាប់ឲ្យទទួលជោគជ័យ និងលាភីជូនដល់ខណ្ឌព្រែកព្នៅយេីង៕
