កម្លាំងស្នងការខេត្តកំពង់ធំ បង្ក្រាបល្បែងជល់មាន់ដី ដោយដកហូតបានវត្ថុតាងនិងសម្ភារៈមួយចំនួន

ខេត្តកំពង់ធំ ÷ នារសៀលថ្ងៃទី០៩  ខែវិច្ឆិកា ឆ្នាំ២០២៤ ក្រោមការដឹកនាំបញ្ជាដោយផ្ទាល់ ពីលោកឧត្ដមសេនីយ៍ទោ ហេង សុផល ស្នងការនគរបាលខេត្តកំពង់ធំ សហប្រតិបត្តិការការជាមួយកម្លាំងនគរបាលស្រុកតាំងគោក ចេញប្រតិបត្តិការបង្រ្កាបទីតាំងល្បែងសុីសងចំនួន ០១ កន្លែង ស្ថិតនៅចំណុចព្រៃចំការស្វាយចន្ទី ត្រង់តំបន់អូរក្បាលហុង  ស្ថិតនៅភូមិជីវភាព  ឃុំអណ្ដូងពោធិ៍  ស្រុកតាំងគោក  ខេត្តកំពង់ធំ។

ចំពោះវត្ថុតាងដែលដកហូតបាន ត្រូវយកមករក្សាទុក ដើម្បីកសាងសំណុំរឿង ចាត់ការទៅតាមនីតិវិធីច្បាប់៕