អំណាចលោកទ្រីខ្លាំងមែន! ហ៊ានបេីកល្បែងជល់មាន់ខ្នាយនិងបាញ់អាប៉ោងទ្រង់ទ្រាយធំ យ៉ាងរលូនក្នុងស្រុកដំណាក់ចង្អើរបាន

CRT News


ចេញផ្សាយថ្ងៃទី២៤ ខែតុលា ឆ្នាំ២០២៤


ខេត្តកែប ÷ តាមប្រភពពីបងប្អូនប្រជាពលរដ្ឋបានរាយការណ៍មកដល់ បណ្តាលផ្សព្វផ្សាយ CRT News យេីងឲ្យបានដឹងថា ÷ ល្បែងស៊ីសងជល់មាន់ដីខុសច្បាប់ (មាន់ខ្នាយ) និងបាញ់អាប៉ោង ដែលអ្នកស្រុកនិយមហៅថា (អាចោរជេីងមួយ)។


សូមបញ្ជាក់ថា÷ទីតាំងល្បែងខុសច្បាប់ខាងលេីនេះ ស្ថិតនៅក្នុងភូមិទួលស្រង្ងាំ ឃុំអង្កោល ស្រុកដំណាក់ចង្អើរ ខេត្តកែប។


ប្រជាពលរដ្ឋបានឲ្យដឹងបន្តទៀតថា÷ ម្ចាស់សង្វៀនបព្ជាល់មាន់ខ្នាយ និងបាញ់អាប៉ោង នេះ មានឈ្មោះ ទ្រី ដែលល្បីល្បាញទូទាំងខេត្ត ក្នុងរត់ការបេីកសង្វៀនឬ ល្បែងស៊ីសងនានាទូទាំងខេត្ត ។ ប្រភពបានអោយដឹងទៀតថា ÷ ក្នុងមួយថ្ងៃៗជល់មាន់ខ្នាយនេះតម្លៃភ្នាល់ចាប់ពី ៥០មុឺនរៀល រហូតដល់ ១០លានរៀល ដែលជល់និងបាញ់អាប៉ោងជារៀងរាល់ថ្ងៃរហូតដល់យប់។


ប្រជាពលរដ្ឋក្នុងស្រុកដំណាក់ចង្អើរ បារម្ភពី សុវត្ថិភាពក្នុងមូលដ្ឋានយ៉ាងខ្លាំង ពាក់ព័ន្ធនឹងការបេីកល្បែងស៊ីសងរបស់លោកទ្រី នេះ ដែលល្បែងស៊ីសងអាចបង្កឱ្យមាន ÷ ចោរលួច,ឆក់ប្លន់,ក្មេងទំនើង,គ្រឿងញៀន, និងអំពើហិង្សាក្នុងគ្រួសារផ្សេងៗជាដើម។ល។ ព្រោះថាល្បែងគឺជាដើមចមបង្កអោយមានបទល្មើសក្នុងមូលដ្ឋាននិងសុវត្ថភាពរបស់ប្រជាពលរដ្ឋផងដែរ។


បណ្តាញពត៌មាន CRT News បានធ្វើកិច្ចសម្ភាសន៍ជាមួយលោក ឆាង ឆៃ អភិបាលស្រុកដំណាក់ចង្អើរ លោកបានតបវិញថា ÷ សូមទំនាក់ទំនងទៅប៉ុស្តិ៍ និងអធិការដ្ឋាន ព្រោះជាការងារស្នូលរបស់សមត្ថកិច្ច ខណៈលោក ស៊ូ ចាយ អធិការស្រុកដំណាក់ចង្អើរ CRT News តេទូរសព្ទតែមិនបានលេីកទូរស័ព្ទនោះទេ រីឯលោកនាយប៉ុស្តិ៍នគរបាលអង្កោល បានតប CRT News យេីងវិញថា÷ និងអោយកម្លាំងចុះទៅពិនិត្យមើល ៕

#buttons=(យល់ព្រម, ទទួលយក!) #days=(20)

គេហទំព័ររបស់យើងប្រើCookies ដើម្បីបង្កើនបទពិសោធន៍របស់អ្នក ស្វែងយល់បន្ថែម
Accept !
To Top